Þjónusta Nokia
Á www.nokia.com/support eða á vefsvæði Nokia í heimalandi þínu geturðu athugað
með nýjustu útgáfu þessarar handbókar, frekari upplýsingar, hluti til niðurhals og
þjónustu fyrir Nokia vöruna þína.
Stillingaþjónusta
Þú getur sótt ókeypis stillingar t.d. fyrir MMS, GPRS, tölvupóst og aðra þjónustu fyrir
símann þinn á www.nokia.com/support.
Nokia PC Suite
PC Suite og tengdar upplýsingar er að finna á vefsvæði Nokia á www.nokia.com/
support.
Nokia Care þjónusta
Ef þú þarft að hafa samband við Nokia Care þjónustuna skaltu skoða
lista yfir Nokia Care þjónustuver á þínu svæði á www.nokia.com/
customerservice.
Almennar upplýsingar
© 2009 Nokia. Öll réttindi áskilin.
8
Öryggisnúmerið gerir þér kleift að verja símann gegn óheimilli notkun. Forstillta
númerið er 12345. Hægt er að búa til og breyta númerinu og láta símann biðja um
númerið. Haltu númerinu leyndu og á öruggum stað fjarri símanum. Ef þú gleymir
númerinu og síminn er læstur mun síminn þarfnast viðgerðar og því getur fylgt
aukakostnaður. Nánari upplýsingar fást hjá Nokia Care þjónustuveri eða seljanda
símans.
Viðhald
Upplýsingar um viðhaldsþjónustu fást hjá næsta Nokia Care þjónustuveri á
www.nokia.com/repair.
2. Tækið tekið í notkun
SIM-korti og rafhlöðu komið fyrir
Alltaf skal slökkva á tækinu og aftengja hleðslutækið áður en rafhlaðan er fjarlægð.
SIM-kortið og innihald þess geta hæglega skemmst ef kortið rispast eða bognar. Því þarf
að fara varlega með kortið þegar það er sett í eða tekið úr.
1. Ýttu á sleppitakkann sem losar bakhliðina (1) og fjarlægðu hana (2).
2. Fjarlægðu rafhlöðuna (3).
3. Opnaðu SIM-kortsfestinguna og komdu SIM-kortinu fyrir þannig að snertiflöturinn
snúi niður (4). Lokaðu SIM-kortsfestingunni.
4. Komdu rafhlöðunni fyrir (5) og settu bakhliðina aftur á sinn stað (6).
Hleðsla rafhlöðunnar
Rafhlaðan kemur hlaðin að hluta til frá framleiðanda. Ef tækið sýnir að rafhlaðan sé að
tæmast skaltu gera eftirfarandi:
1. Tengdu hleðslutækið við innstungu.
2. Tengdu hleðslutækið við tækið.
3. Þegar tækið sýnir að rafhlaðan sé fullhlaðin skaltu taka
hleðslutækið úr sambandi við tækið og síðan úr innstungunni.
Ekki þarf að hlaða rafhlöðuna í tiltekinn tíma og hægt er að nota tækið
á meðan það er í hleðslu. Ef rafhlaðan er alveg tóm geta liðið nokkrar mínútur þar til
hleðsluvísirinn birtist á skjánum eða þar til hægt er að hringja.
Loftnet
Í tækinu kunna að vera innri og ytri loftnet. Líkt og gildir um öll önnur
tæki sem senda eða taka við útvarpsbylgjum ætti að forðast að snerta
loftnetið að óþörfu við móttöku eða sendingu útvarpsbylgna. Snerting
við slíkt loftnet hefur áhrif á sendigæði og getur valdið því að tækið noti
meiri orku en annars er nauðsynlegt og getur minnkað líftíma rafhlöðu
þess.
Myndin sýnir loftnetssvæðið merkt með gráu.